ജെസ്‌നയുടെ തീരോധാനം; കേസ് സിബിഐ അന്വേഷിക്കണമെന്ന് പെണ്‍കുട്ടിയുടെ സഹോദരന്‍

കോട്ടയം മുക്കാട്ടുതറ സ്വദേശിനി ജെസ്‌ന മരിയ ജയിംസിന്റെ തിരോധാനവുമായി ബന്ധപ്പെട്ട കേസ് സിബിഐ അന്വേഷിക്കണമെന്ന് ആവശ്യപ്പെട്ട് പെണ്‍കുട്ടിയുടെ സഹോദരന്റെ ഹര്‍ജി. ലോക്കല്‍ പൊലീസിന്റെ അന്വേഷണത്തില്‍ പുരോഗതിയില്ലെന്നും അന്വേഷണം തൃപ്തികരമല്ലെന്നും ചൂണ്ടിക്കാട്ടി സഹോദരനാണ് ഹൈക്കോടതിയെ സമീപിച്ചത്. ജെസ്‌നയെ കാണാതായിട്ട് ഇന്നേക്ക് 91 ദിവസം പൂര്‍ത്തിയായി. ഈ സാഹചര്യത്തിലാണ് സിബിഐ അന്വേഷണം ആവശ്യപ്പെട്ട് സഹോദരന്‍ ഹൈക്കോടതിയെ സമീപിച്ചത്.