ചെറുതോണി പുഴയിൽ കുത്തൊഴുക്ക്

കനത്ത മഴയെ തുടർന്ന് ചെറുതോണി പുഴയിൽ വലിയ കുത്തൊഴുക്ക്. ഡാമിൽ നിന്ന് പുറത്തേക്ക് ഒഴുക്കുന്ന വെള്ളത്തിന്റെ അളവ് കൂട്ടിയതോടെയാണ് പുഴയിൽ കുത്തൊഴുക്ക് ഉണ്ടായത്. ചെറുതോണി പുഴയുടെ നൂറ് മീറ്റർ പരിധിയിൽ താമസിക്കുന്നവർ സുരക്ഷിതമായ സ്ഥാനങ്ങളിലേക്ക് മാറണമെന്ന് നേരത്തെ മുന്നറിയിപ്പ് നല്കിയിരുന്നു. ചെറുതോണി ടൗണിലും വെള്ളം കയറുകയാണ്. ഇപ്പോൾ 12ലക്ഷം ലിറ്റർ വെള്ളമാണ് ചെറുതോണി അണക്കെട്ടിൽ നിന്ന് പുറത്തേക്ക് ഒഴുക്കുന്നത്. ഇത് 14ലക്ഷത്തിലേക്ക് ഉയർത്തും.