മുന്‍ കേന്ദ്രമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഗുരുദാസ് കാമത്ത് അന്തരിച്ചു

മുന്‍ കേന്ദ്രമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഗുരുദാസ് കാമത്ത് (63) അന്തരിച്ചു. ഹൃദയാഘാതത്തെ തുടര്‍ന്ന് ഇന്ന് ഡല്‍ഹിയിലെ സ്വകാര്യ ആശുപത്രിയിലായിരുന്നു അന്ത്യം. യുപിഎ സര്‍ക്കാറിന്റെ കാലത്ത് 2009 മുതല്‍ 2011 വരെയായിരുന്നു കാമത്ത് കേന്ദ്രമന്ത്രിയായിരുന്നു. 2011 ല്‍ മന്ത്രിസ്ഥാനം രാജിവച്ച അദ്ദേഹത്തെ 2013ല്‍ എഐസിസി ജനറല്‍ സെക്രട്ടറിയായി നിയമിച്ചു. കോണ്‍ഗ്രസ് പ്രവര്‍ത്തക സമിതി അംഗവുമായിരുന്നു കാമത്ത്. മഹാരാഷ്ട്രയില്‍ നിന്ന് അഞ്ച് തവണയാണ് അദ്ദേഹം പാര്‍ലമെന്റിലെത്തിയത്.