സുഹൃത്തിനും വധുവിനും വിവാഹ സമ്മാനമായി അഞ്ച് ലിറ്റര്‍ പെട്രോള്‍ നല്‍കി യുവാക്കള്‍ മാതൃകയായി!!

ഇന്ധനവില ദിനംപ്രതി കുതിച്ചുയരുന്ന സാഹചര്യത്തില്‍ സുഹൃത്തിന്റെ വിവാഹത്തിന് പെട്രോള്‍ സമ്മാനമായി നല്‍കി ഏതാനും യുവാക്കള്‍. തമിഴ്‌നാട്ടിലെ ഗുഡല്ലൂരിലാണ് കൗതുകകരമായ സംഭവം നടന്നത്. അഞ്ച് ലിറ്റര്‍ പെട്രോളാണ് സുഹൃത്തുക്കള്‍ ചേര്‍ന്ന് നവദമ്പതികള്‍ക്ക് കൈമറിയത്. ചിരിച്ചുകൊണ്ട് ഏറ്റവും വിലയേറിയ ആ സമ്മാനം വധുവും വരനും സ്വീകരിക്കുകയും ചെയ്തു. മിനിറ്റുകള്‍ക്കകം ഈ ചിത്രങ്ങള്‍ സോഷ്യല്‍ മീഡിയയില്‍ വൈറലായി. ലിറ്ററിന് 85.15 രൂപയാണ് തമിഴ്‌നാട്ടില്‍ പെട്രോള്‍ വില.