സന്നിധാനത്ത് യുവതികളെ തടഞ്ഞ 200 പേര്‍ക്കെതിരെ കേസ്

സന്നിധാനത്ത് വച്ച് രണ്ട് യുവതികളെ തടഞ്ഞ 200 ഓളം പേര്‍ക്കെതിരെ സന്നിധാനം പോലീസ് കേസെടുത്തു. നിരോധനാജ്ഞ ലംഘിച്ച് സംഘം ചേരല്‍, സുപ്രീം കോടതി വിധി നടപ്പിലാക്കാന്‍ അനുവദിക്കാതിരിക്കുക, പോലീസിന്റെ ഔദ്യോഗിക കൃത്യനിര്‍വ്വഹണം തടസപ്പെടുത്തുക തുടങ്ങി മൂന്ന് വകുപ്പുകളിലാണ് കണ്ടാലറിയുന്ന 200 പേര്‍ക്കെതിരെ കേസെടുത്തിരിക്കുന്നത്. വരും ദിവസങ്ങളിലെ പ്രതിഷേധങ്ങള്‍ കൂടി കണക്കിലെടുത്താണ് ഇന്ന് പ്രതിഷേധിച്ചവര്‍ക്കെതിരെ കേസ് രജിസ്റ്റര്‍ ചെയ്തിരിക്കുന്നത്.