സിസ്റ്റര്‍ ലൂസി കളപ്പുരക്കലിനെ സന്യാസ സഭയില്‍ നിന്ന് പുറത്താക്കാന്‍ നീക്കം

ബിഷപ്പ് ഫ്രാങ്കോ മുളയ്ക്കലിനെതിരായ സമരത്തില്‍ പങ്കെടുത്തതിന് എഫ്.സി.സി സന്യാസ സഭാംഗമായ സിസ്റ്റര്‍ ലൂസി കളപ്പുരക്കലിനെതിരെ നടപടിയെടുത്തു. വിശദീകരണം ആവശ്യപ്പെട്ട് നോട്ടീസ് നല്‍കിയ മദര്‍ സുപ്പീരിയര്‍ ജനറല്‍ ലൂസിയോട് നേരിട്ട് ഹാജരാകാന്‍ ആവശ്യപ്പെട്ടു. അതേസമയം, ഹാജരാകാന്‍ ഉദ്ദേശിക്കുന്നില്ലെന്നാണ് സിസ്റ്റര്‍ ലൂസിയുടെ നിലപാട്. ഇതോടെ ലൂസിയെ സന്യാസ സഭയില്‍ നിന്ന് പുറത്താക്കാനുള്ള സാധ്യതകളാണ് തെളിഞ്ഞുവരുന്നത്.