എസ്ബിഐ ആക്രമണം; 3 എന്‍ജിഒ യൂണിയന്‍ നേതാക്കള്‍ക്ക് കൂടി സസ്‌പെന്‍ഷന്‍

പണിമുടക്ക് ദിവസം തിരുവനന്തപുരം എസ്.ബി.ഐ. ശാഖയില്‍ നടത്തിയ ആക്രമണവുമായി ബന്ധപ്പെട്ട് അറസ്റ്റിലായ 3 എന്‍ജിഒ യൂണിയന്‍ നേതാക്കള്‍ക്ക് കൂടി സസ്‌പെന്‍ഷന്‍. എന്‍ജിഒ യൂണിയന്‍ സംസ്ഥാന കമ്മിറ്റി അംഗം സുരേഷ്ബാബു ജില്ലാ നേതാക്കളായ സുരേഷ് കുമാര്‍, ശ്രീവത്സന്‍ എന്നിവരെയാണ് സസ്‌പെന്‍ഡ് ചെയ്തത്.

ഇതോടെ സസ്‌പെന്‍ഷനിലായവരുടെ എണ്ണം അഞ്ചായി. പണിമുടക്ക് ദിവസം പ്രവര്‍ത്തനം നടത്തിയ സെക്രട്ടേറിയറ്റിനടുത്തുള്ള എസ്ബിഐയുടെ ട്രഷറി ബ്രാഞ്ചിന് നേരെ സംഘമായെത്തിയായിരുന്നു ആക്രമണം.സമരാനുകൂലികള്‍ ഓഫീസ് അടിച്ചു തകര്‍ത്തതോടൊപ്പം നിരവധി നാശനഷ്ടങ്ങളും ഉണ്ടാക്കി.