തിരുവിതാംകൂർ ദേവസ്വം ബോർഡിൽ പൊട്ടിത്തെറി; ദേവസ്വം ബോർഡ് സുപ്രീംകോടതിയിൽ നിലപാട് മാറ്റിയത് ബോർഡ് പ്രസിഡന്റ് അറിയാതെ

തിരുവിതാംകൂർ ദേവസ്വം ബോർഡിൽ പൊട്ടിത്തെറി. ഇന്നലെ യുവതി പ്രവേശന വിഷയത്തിൽ സുപ്രീംകോടതിയിൽ ബോർഡ് നിലപാട് മാറ്റിയത് ദേവസ്വം ബോർഡ് പ്രസിഡന്റ് അറിയാതെയെന്ന് സൂചന. സുപ്രീംകോടതിയിൽ സ്വീകരിച്ച നലിപാടിൽ എ പത്മകുമാർ ദേവസ്വം കമ്മീഷ്ണറോട് വിശദീകരണം തേടി.

തന്നോട് പറയുകയോ ആലോചിക്കുകയോ ചെയ്യാതെയാണ് ദേവസ്വം ബോർഡ് തീരുമാനം എടുത്തത്. ദേവസ്വം കമ്മീഷ്ണർ എൻ വാസു മുഖ്യമന്ത്രിയുടെ പ്രൈവറ്റ് സെക്രട്ടറിയുമായി നടത്തിയ ചർച്ചയുടെ അടിസ്ഥാനത്തിലാണ് സുപ്രീംകോടതിയിൽ സർക്കാർ മലക്കം മറിഞ്ഞതെന്ന് എ പത്മകുമാർ പറയുന്നു. എന്തുകൊണ്ട് നിലപാട് മാറ്റിയ കാര്യം തന്നെ അറിയിച്ചില്ലെന്ന് പത്മകുമാർ ദേവസ്വം കമ്മീഷ്ണർ എൻ വാസുവിനോട് വിശദീകരണം ആവശ്യപ്പെട്ടുകൊണ്ട് കത്ത് നൽകിയിട്ടുണ്ട്.

Read More : ദേവസ്വം ബോര്‍ഡിനെതിരെ പന്തളം രാജകൊട്ടാരം

ഇതിനിടെ പത്മകുമാറിനെ മാറ്റി മുൻ പ്രസിഡന്റ് രാജഗോപാലൻ നായരെ തിരികെ കൊണ്ടുവന്നേക്കും എന്നും സൂചനയുണ്ട്. ദേവസ്വം കമ്മീഷ്ണറെ ദേവസ്വം റിക്രൂട്ട്‌മെന്റ് ചുമതല നൽകാനും നിലവിൽ ഈ ചുമതല വഹിക്കുന്ന രാജഗോപാലൻ നായരെ ദേവസ്വം ബോർഡ് പ്രസിഡന്റ് ആക്കാുമെന്നാണ് പുറത്തുവരുന്ന റിപ്പോർട്ട്. പത്മകുമാർ പുറത്തേക്ക് തന്നെയെന്ന് വ്യക്തമായ സൂചന നൽകുന്നതാണ് ലഭിച്ച റിപ്പോർട്ടുകൾ.

സംസ്ഥാന സര്‍ക്കാറിന്റെ നിലപാട് തന്നെയാണ് ശബരിമല വിഷയത്തില്‍ ദേവസ്വം ബോർഡിനും ഉള്ളതെന്നാണ് സുപ്രീം കോടതിയില്‍ ബോർഡ് പറഞ്ഞത്. വിധി പുനഃപ്പരിശോധിക്കേണ്ടെന്നാണ് ദേവസ്വം ബോർഡ് വ്യക്തമാക്കിയത്. ബോർഡ് നിലപാട് മാറ്റിയല്ലോ എന്ന് ജസ്റ്റീസ് ഇന്ദു മൽഹോത്രയുടെ ചോദ്യത്തിന് മറുപടിയായാണ് ഇക്കാര്യം ദേവസ്വം ബോര്‍ഡ് നിലപാട് വ്യക്തമാക്കിയത്. നിലപാട് മാറ്റിയെന്നും വേണമെങ്കിൽ അക്കാര്യം കാട്ടി അപേക്ഷ ഫയൽ ചെയ്യാമെന്നും ബോർഡ്. യുവതി പ്രവേശനം അനുവദിച്ചുള്ള വിധിയെ മാനിക്കാൻ തീരുമാനിച്ചതായി ബോർഡിന്റെ അഭിഭാഷകൻ കോടതിയിൽ വ്യക്തമാക്കിയത്.

Read More : ശബരിമല സ്ത്രീ പ്രവേശനം; സര്‍ക്കാറിനൊപ്പം യുവതിപ്രവേശനത്തെ അനുകൂലിച്ച് ദേവസ്വം ബോര്‍ഡ്

എതിർ കക്ഷികൾ പറഞ്ഞ കാര്യം പുനഃപരിശോധനക്ക് മതിയായ കാരണങ്ങൾ അല്ലെന്ന് ദേവസ്വം ബോർഡ്. ആർത്തവം ഇല്ലാതെ മനുഷ്യ കുലത്തിന് നില നിൽപ്പില്ല. മതത്തിൽ എല്ലാ വ്യക്തികളും തുല്യർ. ഇക്കാര്യം ആണ് യുവതി പ്രവേശനം അനുവദിച്ച വിധിയുടെ അടിസ്ഥാനമെന്നും ദേവസ്വം ബോര്‍ഡ് വ്യക്തമാക്കി