ബെംഗളൂരുവിൽ ജനജീവിതത്തിന് ഇനി ആയുസ്സ് അഞ്ച് വർഷം

അടുത്ത അഞ്ചുവർഷത്തിനുള്ളിൽ ബെംഗളൂരു വാസയോഗ്യമല്ലാതായിത്തീരുമെന്ന് റിപ്പോർട്ട്.
ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് നടത്തിയ പഠനത്തിലാണ് ഈ ഞെട്ടിപ്പിക്കുന്ന വിവരം. തികച്ചും ആസൂത്രണം ഇല്ലാതെ നടത്തുന്ന വികസനമാണ് ഇതിന് കാരണമെന്ന് പഠനത്തിന് നേതൃത്വം നൽകിയ ഐഐഎസ് സി സെന്റർ ഓഫ് ഇക്കോളജി സയൻസ് മേധാവി ടിവി കാമചന്ദ്ര പറഞ്ഞു. ബെംഗളൂരുവിൽ കഴിഞ്ഞ 40 വർഷങ്ങൾക്കിടെ നടത്തിയ നിർമ്മാണങ്ങളാണ് ഇതിന് കാരണം. ഈ നിർമ്മാണങ്ങളൊക്കെയും നാടിന് ഭീഷണി ഉയർത്തുന്നതാണെന്നാണ് റിപ്പോർട്ടിലുള്ളത്.
78 ശതമാനം ജൈവസമ്പത്താണ് കുറഞ്ഞത്. തടാകങ്ങളുടെ നഗരം എന്നറിയപ്പെടുന്ന ഇവിടുത്തെ തടാകങ്ങളിൽ 79 ശതമാനം മലിനമാകുകയോ അല്ലാതെയോ നശിച്ചുകഴിഞ്ഞു.