കൊട്ടിക്കലാശത്തിനിടെ സംഘർഷം

ചെർപ്പുളശ്ശേരി, അങ്കമാലി, ബാലരാമപുരം എന്നിവിടങ്ങളിലാണ് കൊട്ടിക്കലാശത്തിനിടെ സംഘർഷം ഉണ്ടായത്.

പാലക്കാട് ചെർപ്പുളശ്ശേരിയിൽ കൊട്ടിക്കലാശത്തിനിടെ സിപിഐ(എം)- ബിജെപി പ്രവർത്തകരാണ് ഏറ്റുമുട്ടിയത്. സംഘർഷത്തെ തുടർന്ന് പോലീസും കേന്ദ്ര സേനയും ലാത്തി വീശി.

അങ്കമാലിയിൽ കൊട്ടിക്കലാശത്തിനിടെ കല്ലേറ്. യുഡിഎഫ്- എൽഡിഎഫ് പ്രവർത്തകർ ഏറ്റുമുട്ടിയതിനെ തുടർന്നുണ്ടായ കല്ലേറിൽ നിരവധി പേർ്ക്ക് പരിക്കേറ്റു. തിരുവനന്തപുരത്തെ ബാലരാമപുരത്തുണ്ടായ സംഘർഷത്തിൽ എസ്‌ഐ വിജയകുമാറിന് പരിക്കേറ്റു.

പരസ്യപ്രചരണത്തിന് അന്ത്യം കുറിച്ച് രാഷ്ട്രീയ പാർട്ടികൾ കൊട്ടിക്കലാശത്തിന്റെ ആവേശത്തിലാണ്. കൊട്ടിക്കലാശത്തിന് അൽപ്പസമയത്തിനകം തിരശ്ശീല വീഴും. ഇനി നാളെ മുതൽ നിശ്ശബ്ദ പ്രചരണം.