25
Sep 2021
Saturday

ഭക്ഷ്യവിഷബാധ ; 23 വിദ്യാർത്ഥികൾ ആശുപത്രിയിൽ

മൈലം ജി.വി. രാജ സ്‌പോർട്‌സ് സ്‌കൂളിലെ 23 വിദ്യാർത്ഥികളെ ഭക്ഷ്യവിഷബാധയേറ്റത് മൂലം ആശുപത്രിയിൽ പ്രവേശിപ്പിച്ചു. ശാരീരിക അസ്വാസ്ത്യങ്ങളെ തുടർന്ന് ആദ്യം 15 കുട്ടികളെ മെഡിക്കൽ കോളേജിൽ പ്രവേശിപ്പിച്ചിരുന്നു. പിന്നീട് 8 പേരെ കൂടി ആശുപത്രിയിൽ പ്രവേശിപ്പിക്കുകയായിരുന്നു.

അമൻ (13), ആസിഫ് (13) ശ്യാം (15), ജലീൽ (16), വിഷ്ണു (14) എന്നീ ആൺ കുട്ടികളേയും സിമി (15), നിവ്യ (14) എന്നീ പെൺകുട്ടികളേയുമാണ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. സഞ്ജുവിനെ (12) എസ്.എ.ടി. ആശുപത്രിയിൽ പ്രവേശിപ്പിച്ചു.

അതേസമയം നേരത്തെ അഡ്മിറ്റാക്കിയ 15 പേരുടേയും ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു. ഇവരുടെ രക്ത സാമ്പിളുകൾ പരിശോധനയ്ക്കായി അയച്ചിരിക്കുകയാണ്. അതിന്റെ ഫലം നോക്കിയായിരിക്കും ഇവരെ ഡിസ്ചാർജ് ചെയ്യുക. വയറിളക്കവും ഛർദ്ദിലും വയറു വേദനയുമായി ഇന്ന് പുലർച്ചെ 12.15നാണ് ഈ 15 വിദ്യാർത്ഥികളെ മെഡിക്കൽ കോളേജിൽ പ്രവേശിപ്പിച്ചത്.

ജ്യോതിലക്ഷ്മി (15), ആൻസി സാറ (15), പാർവതി (15), അശ്വതി (16) വിനിമോൾ (15) അനുരാധ (15), ആരതി (15), നീലിമ (15), ദേവിക മുരളി (15), പഞ്ചമി (15), ഫിമിന (15), അതുല്യ (15), ജിബി (15) എന്നിവരാണ് മെഡിക്കൽ കോളേജിൽ നേരത്തേ ചികിത്സയിലുള്ളവർ. ഹോസ്റ്റലിൽ നിന്നും കഴിച്ച കപ്പയും മീൻ കറിയുമാണ് പ്രശ്‌നമുണ്ടാക്കിയതെന്ന് ചില കുട്ടികളും ബീഫ് കഴിച്ചാണ് പ്രശ്‌നമുണ്ടാക്കിയതെന്ന് ചില കുട്ടികളും പറയുന്നു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top