വിരമിച്ചില്ലായിരുന്നെങ്കിൽ സച്ചിനെ ടീമിൽനിന്ന് പുറത്താക്കുമായിരുന്നെന്ന് സന്ദീപ് പാട്ടീൽ

ഏകദിന ക്രിക്കറ്റിൽനിന്ന് വിരമിച്ചില്ലായിരുന്നെങ്കിൽ സച്ചിനെ ടീമിൽനിന്ന് പുറത്താക്കുമായിരുന്നെന്ന് ഇന്ത്യൻ ടീമിന്റെ മുഖ്യ സെലക്ടർ ആയിരുന്ന സന്ദീപ് പട്ടീൽ. ഇക്കാര്യത്തെ കുറിച്ച് സെലക്ടർ സച്ചിനോട് നേരിട്ട് സംസാരിച്ചിരുന്നതായും സന്ദീപ് പാട്ടീൽ വെളിപ്പെടുത്തി.

2012ലാണ് ക്രിക്കറ്റ് ഇതിഹാസം ഏകദിന ക്രിക്കറ്റിൽനിന്ന് വിരമിച്ചത്.

2012 ഡിസംബർ 12ന് നാഗ്പൂർ ടെസ്റ്റിനിടെ ബിസിസിഐ യോഗത്തിന് ശേഷം സച്ചിന്റെ ഭാവി പരിപാടികളെ കുറിച്ച് അദ്ദേഹത്തോട് ചോദിച്ചത്. എന്നാൽ വിരമിക്കാൻ ആലോചിക്കുന്നില്ലെന്നായിരുന്നു സച്ചിൻരെ മറുപടി.

വിരമിച്ചില്ലെങ്കിൽ പുറത്താക്കാനാണ് സെലക്ഷൻ കമ്മിറ്റിയുടെ തീരുമാനം എന്ന് അദ്ദേഹത്തെ അറിയിക്കുകയും ചെയ്തു, ഇതോടെ വിരമിക്കൽ തീരുമാനിക്കുക യായിരുന്നെന്നും സന്ദീപ് പാട്ടിൽ മറാത്തി ചാനലായ എബിപി മാജ്ഹയ്ക്ക് നൽകിയ അഭിമുഖത്തിൽ പറഞ്ഞു.

2012 ഡിസംബർ 23 നാണ് വിരമിക്കൽ തീരുമാനം സച്ചിൻ പ്രഖ്യാപിച്ചത്. ധാക്കയിൽ നടന്ന ഏഷ്യാകപ്പിനിടയിൽ പാക്കിസ്ഥാനോട് ആണ് സച്ചിൻ അവസാനമായി കളിച്ചത്.