Advertisement

ഖസാക്കിന്റെ ഇതിഹാസം പുനർനിർമ്മിക്കുന്നതിന് വിലക്ക്

October 28, 2016
0 minutes Read
khasakinte-ithihasam
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

വിഖ്യാത സാഹിത്യകാരൻ ഒ വി വിജയന്റെ ഖസാക്കിന്റെ ഇതിഹാസം എന്ന നോവലിന്റെ നാടകാവിഷ്‌കാരം പ്രദർശിപ്പിക്കുന്നതിന് വിലക്ക്. ഡൽഹി ഹൈക്കോടതിയാണ് നാടകത്തിന്റെ പ്രദർശനം തടഞ്ഞുകൊണ്ട് ഉത്തരവിറക്കിയത്. നാടകത്തിൻറെ അണിയറ പ്രവർത്തകർ പകർപ്പവകാശം ലംഘിച്ചതായി ചൂണ്ടിക്കാട്ടി ഒ.വി.വിജയൻറെ മകൻ മധു വിജയൻ സമർപ്പിച്ച ഹർജിയിലാണ് കോടതി ഉത്തരവ്.

ഒ.വി.വിജയന്റെ മരണശേഷം അദ്ദേഹത്തിൻറെ കൃതികളുടെയെല്ലാം പകർപ്പവകാശം മധുവിനാണ്. എന്നാൽ അദ്ദേഹത്തിൻറെ അനുമതി വാങ്ങാതെ ഖസാക്ക് നാടകമാക്കുകയും കേരളത്തിനകത്തും പുറത്തും പലവേദികളിലും അവതരിപ്പിക്കപ്പെടുകയും ചെയ്തതിനെതിരെയാണ് മധു കോടതിയെ സമീപിച്ചത്.

നാടകത്തിന്റെ സംവിധായകൻ ദീപൻ ശിവരാമൻ നോവലിന്റെ പകർപ്പവകാശം വാങ്ങിയില്ലെന്നും മധു പറയുന്നു. അദ്ദേഹവുമായി ബന്ധപ്പെട്ടിട്ടും ഫലമുണ്ടാകാതെ വന്നതോടെയാണ് മധു കോടതിയെ സമീപിച്ചത്. മധുവിൽ നിന്ന് നാടകാവിഷ്‌കാരത്തിനുള്ള അനുമതി വാങ്ങിക്കൊള്ളാമെന്ന് ദീപൻ ഇ മെയിൽ വഴി പ്രതികരിച്ചെങ്കിലും അതുണ്ടായില്ലെന്നാണ് പരാതി.

നവംബർ 11 മുതൽ 13 വരെ ബോംബെയിൽ നാടകം അവതരിപ്പിക്കാനുള്ള ഒരുക്കങ്ങളിലാണ് അണിയറപ്രവർത്തകർ. അതിനിടയിലാണ് മധു കോടതിയെ സമീപിച്ചത്. ഏറഎ പ്രേക്ഷക ശ്രദ്ധ പിടിച്ചുപറ്റിയ നാടകമായിരുന്നു ദീപൻ ശിവരാമന്റെ ഖസാക്കിന്റെ ഇതിഹാസം.

ഇനിയൊരു ഉത്തരവുണ്ടാകുന്നതുവരെ ഖസാക്കിൻറെ ഇതിഹാസം മറ്റേതെങ്കിലും രൂപത്തിൽ പുനർനിർമിക്കുന്നതോ പ്രദർശിപ്പിക്കുന്നതോ സംപ്രേഷണം ചെയ്യുന്നതോ അവതരിപ്പിക്കുന്നതോ തടഞ്ഞുകൊണ്ടാണ് ഹൈകോടതിയുടെ ഉത്തരവ്.

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement