ഇമെയിൽ വിവാദം: ഹിലരി ക്ലിന്റനെതിരെ എഫ്ബിഐ അന്വേഷണം

യുഎസ് പ്രസിഡന്റ് തെരഞ്ഞെടുപ്പിന് ദിവസങ്ങൾ മാത്രം ബാക്കിനിൽക്കെ ഡെമോക്രാറ്റിക് സ്ഥാനാർഥി ഹിലരി ക്ലിന്റനെതിരെയുള്ള ഇമെയിൽ വിവാദത്തെക്കുറിച്ച് അന്വേഷണം നടത്തുമെന്ന് രഹസ്യാന്വേഷണ ഏജൻസിയായ എഫ് ബി ഐ അറിയിച്ചു. ഹിലരിയുടെ സ്വകാര്യ മെയിൽ സെർവറിൽ പുതുതായി കാണപ്പെട്ട ഇമെയിൽ വിവരങ്ങളെക്കുറിച്ചാണ് അന്വേഷിക്കുകയെന്ന് എഫ് ബി ഐ വ്യക്തമാക്കി.

തന്ത്രപ്രധാന ഇ മെയിൽ സന്ദേശങ്ങൾ അലക്ഷ്യമായി കൈകാര്യം ചെയ്തു എന്ന ആരോപണത്തിൽ ഹിലരി ക്ലിന്റനെതിരെ കുറ്റം ചുമത്തേണ്ടെന്ന് അമേരിക്കൻ രഹസ്യാന്വേഷണ ഏജൻസിയായ എഫ് ബി ഐ നേരത്തെ തീരുമാനിച്ചിരുന്നു. എന്നാൽ ഹിലരിയുടെ സ്വകാര്യ മെയിലിൽ വീണ്ടും ഇമെയിലുകൾ കണ്ടെത്തിയ സാഹചര്യത്തിലാണ് അന്വേഷണമെന്ന് എഫ് ബി ഐ ഡയറക്ടർ ജെയിംസ് കോമി കോൺഗ്രസ് അംഗങ്ങൾക്കയച്ച കത്തിൽ പറയുന്നു.

email sca, hilary clinton