Advertisement

മാധ്യമപ്രവർത്തകർക്ക് വേണ്ടി ഹാജരായ അഭിഭാഷകർക്ക് സസ്‌പെൻഷൻ

June 12, 2017
Google News 1 minute Read

തിരുവനന്തപുരം ബാർ അസോസിയേഷനിൽനിന്ന് അഭിഭാഷകർക്ക് സസ്‌പെൻഷൻ. മാധ്യമപ്രവർത്തകർക്ക് വേണ്ടി വിവിധ കേസുകളിൽ ഹാജരായതിനാണ് സസ്‌പെൻഷൻ. മാധ്യമ പ്രവർത്തകരും അഭിഭാഷകരും തമ്മിൽ നിലനിൽക്കുന്ന തർക്കത്തെ തുടർന്ന് ജനറൽ ബോഡി എടുത്ത തീരുമാനത്തിൽ വീഴ്ച വരുത്തിയതിനാണ് നടപടി. മാധ്യമപ്രവർത്തകർക്ക് വേണ്ടി അഭിഭാഷകർ ഹാജരാകരുതെന്ന് ജനറൽ ബോഡി തീരുമാനിച്ചിരുന്നു.

അഡ്വ.കീർത്തി ഉമ്മൻ രാജൻ, അഡ്വ. പേട്ട ജെ സനൽ കുമാർ, അഡ്വ. ശാസ്തമംഗലം എസ് അജിത്ത്കുമാർ, അഡ്വ. പ്രദീപ് കുമാർ ബി, അഡ്വ. ശ്രീജ ശശിധരൻ, അഡ്വ. എസ് ജോഷി, അഡ്വ. എൻ ബിനു എന്നിവരെയാണ് സസ്‌പെൻഡ് ചെയ്തത്.

noticeഅഡ്വക്കേറ്റ്‌സ് ആക്റ്റ് അനുശാസിക്കുന്ന തരത്തിലാണ് പ്രവർത്തിക്കുന്നതെന്നും അസോസിയേഷനുമായുള്ള ബന്ധം ഉലയാതെ വിഷയത്തിൽ വിശദീകരണം നൽകുമെന്നും സസ്‌പെൻഡ് ചെയ്യപ്പെട്ട അഭിഭാഷകരിൽ രണ്ട് പേർ ട്വന്റിഫോർ ന്യൂസിനോട് പറഞ്ഞു

ഗവർണർ, മുഖ്യമന്ത്രി, വിവിധ ന്യായാധിപൻമാർ എന്നിവർ ഈ വിഷയം കൂടുതൽ നീട്ടിക്കൊണ്ട് പോകരുതെന്ന് ആവശ്യപ്പെട്ടിരുന്നെങ്കിലും ഇരുകൂട്ടർക്കുമിടയിലുള്ള തർക്കം സന്ധിയില്ലാതെ തുടരുകയാണ്.

 

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here