കാറുകളിൽ അഭ്യാസ പ്രകടനം നടത്തിയതിന് ഒരു മാസം തടവ് ശിക്ഷ

കാറുകളിൽ അഭ്യാസപ്രകടനം നടത്തിയ സ്വദേശികൾക്ക് മസ്‌കത്തിൽ തടവ് ശിക്ഷയും പിഴയും വിധിച്ചു. അഭ്യാസപ്രകടനം ക്യാമറയിൽ പകർത്തി ഇവർ സമൂഹമാധ്യമങ്ങളിൽ ഷെയർ ചെയ്തിരുന്നു. ഇതാണ് ഇവർക്കെതിരെ കേസെടുക്കാൻ കാരണമായത്. ഒരു മാസം തടവും മുന്നൂറ് റിയാൽ പിഴയുമാണ് ഇവർക്ക് വിധിച്ച ശിക്ഷ. ഇവരുടെ വാഹനങ്ങൾ പിടിച്ചെടുക്കുകയും ലൈസൻസുകൾ റദ്ദാക്കുകയും ചെയ്തു.