അരൂരില്‍ ട്രെയിനിടിച്ച് മൂന്ന് യുവാക്കള്‍ മരിച്ചു

അരൂരില്‍ മൂന്നു യുവാക്കളെ ട്രെയിന്‍ തട്ടി മരിച്ച നിലയില്‍ കണ്ടെത്തി. വിവാഹത്തില്‍ പങ്കെടുത്ത് മടങ്ങുകയായിരുന്ന മൂന്നു യുവാക്കളാണ് മരിച്ചത്. ഇന്നലെ രാത്രി ഒരു മണിയോടെയാണ് സംഭവം.   ഏലൂര്‍ സ്വദേശി ലിബിന്‍, അരൂര്‍ സ്വദേശി ജിധിന്‍ , മിലന്‍  എന്നിവരാണ് മരിച്ചത്. എറണാകുളം മെമു ട്രെയിനാണ് ഇവരെ ഇടിച്ചത്. റെയില്‍വേ പാതയോട് ചേര്‍ന്നായിരുന്നു വിവാഹം നടന്ന വീട്. വിവാഹം കഴിഞ്ഞ പെണ്‍കുട്ടിയുടെ സഹോദരന്റെ സുഹൃത്തുക്കളാണ് മരിച്ചത്.