ഇന്ത്യയില്‍ നിന്നുള്ള ഹജ്ജ് വിമാന സര്‍വീസ് ശനിയാഴ്ച അവസാനിക്കും

ഇന്ത്യയില്‍ നിന്നുള്ള ഇക്കൊല്ലത്തെ ഹജ്ജ് വിമാന സര്‍വീസ് ശനിയാഴ്ച അവസാനിക്കും. ഇന്ത്യന്‍ ഹജ്ജ് കമ്മിറ്റി വഴിയുള്ള ഒരു ലക്ഷത്തി ഇരുപതിനായിരത്തോളം തീര്‍ഥാടകരാണ് ഹജ്ജ് കര്‍മ്മം നിര്‍വഹിച്ചത്.

മുംബെ, അഹമദാബാദ്, കൊച്ചി എന്നിവിടങ്ങളില്‍ നിന്നും പതിമൂന്ന് സര്‍വീസുകള്‍ കൂടിയാണ് ഇനി ബാക്കിയുള്ളത്. കൊച്ചിയില്‍ നിന്നും ശനിയാഴ്ച രാത്രി പതിനൊന്നേ മുക്കാലിന് ജിദ്ദയിലെത്തുന്ന സൗദി എയര്‍ലൈന്‍സ് വിമാനമായിരിക്കും  ഇന്ത്യയില്‍ നിന്നുള്ള അവസാനത്തെ വിമാന സര്‍വീസ്.