വെളിപാടിന്റെ പുസ്തകത്തിലെ രണ്ടാമത്തെ ഗാനം

മോഹൻലാലിനെ നായകനാക്കി ലാൽജോസ് സംവിധാനം ചെയ്യുന്ന വെളിപാടിന്റെ പുസ്തകം എന്ന ചിത്രത്തിലെ രണ്ടാമത്തെ ഗാനം പുറത്തിറങ്ങി എന്റമ്മേടെ ജിമിക്കി കമ്മൽ എന്ന സൂപ്പർ ഹിറ്റ് പാട്ടിന് ശേഷം പുറത്തിറങ്ങുന്ന ഗാനം മോഹൻലാൽ തന്നെയാണ് ഫേസ്ബുക്കിലൂടെ പുറത്തുവിട്ടത്. ചിത്രത്തിന്റെ ടീസർ ഇന്നലെയാണ് പുറത്തുവിട്ടത്. സലിംകുമാർ, അനൂപ് മേനോൻ എന്നിവർക്ക് പുറമെ ഒരു പറ്റം യുവതാരങ്ങളും ചിത്രത്തിൽ അഭിനയിക്കുന്നുണ്ട്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിച്ചിരിക്കുന്നത്.ചിത്രം നാളെ പ്രദർശനത്തിനെത്തും.