നാദിര്‍ഷ മുന്‍കൂര്‍ ജാമ്യാപേക്ഷ സമര്‍പ്പിച്ചു

നടിയെ ആക്രമിച്ച കേസില്‍ ചോദ്യം ചെയ്യലിന് ഹാജരാകാന്‍ അന്വേഷണ സംഘം ആവശ്യപ്പെട്ടതിന് പിന്നാലെ നടനും സംവിധായകനുമായ നാദിര്‍ഷ മുന്‍കൂര്‍ ജാമ്യാപേക്ഷയ്ക്ക് ഹൈക്കോടതിയെ സമീപിച്ചു. അപേക്ഷ കോടതി നാളെ പരിഗണിച്ചേക്കും.
ഇന്നലെയാണ് ചോദ്യം ചെയ്യലിന് ഹാജരാകാന്‍ അന്വേഷണ സംഘം നാദിര്‍ഷയോട് നിര്‍ദേശിച്ചത്. എന്നാല്‍ താന്‍  ചില ആരോഗ്യ പ്രശ്നങ്ങള്‍ കാരണം ചികിത്സയിലാണെന്നും ചോദ്യം ചെയ്യലിന് ഹാജരാകാന്‍ പറ്റില്ലെന്നുമാണ് അന്വേഷണ സംഘത്തെ നാദിര്‍ഷ അറിയിച്ചിരിക്കുന്നത്.