കനത്ത മഴ; റെയിൽവേ ട്രാക്ക് മുങ്ങി; തീവണ്ടികൾ നിർത്തിയിട്ടു

വ്യാഴാഴ്ച ഉച്ചയ്ക്കുേശഷം പറളിയിൽ പെയ്ത കനത്തമഴയിൽ റെയിൽവേ ട്രാക്ക് മുങ്ങി. ഇതേത്തുടർന്ന് ഇതുവഴി ഒന്നരമണിക്കൂറിലേറെ തീവണ്ടി ഗതാഗതം തടസ്സപ്പെട്ടു. കേരള എക്‌സ്പ്രസും മംഗലാപുരം കോയമ്പത്തൂർ ഇന്റർസിറ്റിയുമടക്കം അഞ്ച് തീവണ്ടികൾ പലയിടത്തായി നിർത്തിയിട്ടു. മഴശമിച്ച് വെള്ളക്കെട്ട് ഒഴിവായതിനുശേഷമാണ് വണ്ടികൾ ഓടിത്തുടങ്ങിയത്.

വ്യാഴാഴ്ച വൈകീട്ട് നാലരയോടെയാണ് പറളിയിൽ മഴ തുടങ്ങിയത്. നിമിഷങ്ങൾക്കുള്ളിൽ ഇത് പേമാരിയായി. മഴയിൽ അതിവേഗം നിറഞ്ഞ കാനകളിൽനിന്ന് വെള്ളം ട്രാക്കിലേക്കാണ് ഒഴുകിയത്.

train delayed due to heavy downpour