കോട്ടയം ഭാരത് ആശുപത്രിയില്‍ സമരം ചെയ്ത നഴ്സുമാരെ അറസ്റ്റ് ചെയ്ത് നീക്കി

കോട്ടയം ഭാരത് ആശുപത്രിയ്ക്ക് മുന്നില്‍ സമരം നടത്തിയ നഴ്സുമാരെ അറസ്റ്റ് ചെയ്ത് നീക്കി. ലാത്തി ചാര്‍ജ്ജിന് ശേഷമായിരുന്നു അറസ്റ്റ്. സമാധാനപരമായി നടത്തിയ  സമരത്തിലേക്ക് പോലീസ് അനാവശ്യമായി ലാത്തിചാര്‍ജ്ജ് നടത്തുകയായിരുന്നുവെന്നാണ് പരാതി.

ആശുപത്രിയില്‍ നിന്ന് പിരിച്ച് വിട്ട നഴ്സുമാരെ തിരിച്ചെടുക്കണമെന്ന് ആവശ്യപ്പെട്ടാണ് ഇവിടെ നഴ്സുമാര്‍ സമരം ആരംഭിച്ചത്.

പോലീസിന്റെ നടപടിയില്‍ പ്രതിഷേധിച്ച് കേരളത്തിലെ നഴ്സുമാര്‍ ഒന്നടങ്കം നാളെ നഴ്സുമാര്‍ കരിദിനം ആചരിക്കുമെന്ന് യുണൈറ്റഡ് നഴ്സസ് അസോസിയേഷന്‍ അറിയിച്ചു.