കനത്ത മഴ; എറണാകുളത്ത് കെട്ടിടം തകർന്നു വീണു

മഴ ശക്തമായതോടെ എറണാകുളം നോർത്തിൽ കെട്ടിടം തകർന്നുവീണു. നോർത്തിലെ പാലത്തിന് സമീപമുള്ള ബാർബർ ഷോപ്പാണ് തകർന്നുവീണത്. മഴ ശക്തമായതിനെ തുടർന്നാണ് കെട്ടിടം ഇടിഞ്ഞു വീണത്. ബാർബർ ഷോപ്പ് ഉടമ ഓടി രക്ഷപ്പെട്ടത് വൻ അപകടം ഒഴിവാക്കി.

രണ്ട് ദിവസമായി സംസ്ഥാനത്ത് തുടരുന്ന മഴ കനത്ത നാശനഷ്ടമാണ് ഉണ്ടാക്കിയത്. സംസ്ഥാനത്തെ മലയോര പ്രദേശങ്ങളിൽ ഉരുൾപൊട്ടലുണ്ടായി. ഇതുവരെ മൂന്ന് പേർ വിവിധ അപകടങ്ങളിൽ മരിച്ചു.