ഇന്ത്യയുടെ ആണവ മിസൈൽ രഹസ്യങ്ങൾ അമേരിക്ക ചോർത്തി : സ്‌നോഡൻ

ഇന്ത്യയുടെ ആണവ മിസൈൽ രഹസ്യങ്ങൾ അമേരിക്ക ചോർത്തിയെന്ന ലോകത്തെ ഞെട്ടിക്കുന്ന വെളിപ്പെടുത്തലുകളുമായി എഡ്വേഡ് സ്‌നോഡൻ വീണ്ടും രംഗത്ത്.
ഇന്ത്യയുടെ ആണവമിസൈലുകളായ സാഗരിക, ധനുഷ് എന്നിവയെ കുറിച്ചുള്ള വിവരങ്ങൾ അവ വികസിപ്പിച്ച സമയത്തു തന്നെ അമേരിക്കയുടെ രഹസ്യാന്വേഷണ ഏജൻസിയായ എൻ എസ് എ ചോർത്തിയെന്നാണ് സ്‌നോഡൻ ആരോപിക്കുന്നത്. 2005 ലായിരുന്നു സാഗരികയും ധനുഷും വികസിപ്പിച്ചത്.

ഇന്ത്യയുടെ ആണവരഹസ്യങ്ങൾ എൻ എസ് എ കൈവശപ്പെടുത്തിയതിനെ കുറിച്ചുള്ള സ്‌നോഡന്റെ രേഖകൾ അമേരിക്കൻ വാർത്താ ഏജൻസിയായ ദ ഇന്റർസെപ്റ്റ് പ്രസിദ്ധീകരിച്ചതായി നിരവധി ദേശീയ മാധ്യമങ്ങൾ റിപ്പോർട്ട് ചെയ്തിട്ടുണ്ട്.

ആ സമയത്ത് ഇന്ത്യയുടെ കൈവശമുണ്ടായിരുന്ന ബോംബുകളെ കുറിച്ചുള്ള വിവരങ്ങളും എൻ എസ് എ ചോർത്തിയെന്ന് സ്‌നോഡൻ പുറത്തുവിട്ട രേഖകളിൽ പറയുന്നു.

america spied on indian atomic secrets alleges snowden