റിലീസ് ദിനത്തിൽതന്നെ ന്യൂട്ടന് ഓസ്‌കാർ നോമിനേഷൻ

റിലീസ് ദിനത്തിൽ തന്നെ ന്യൂട്ടൺ ഓസ്‌കാർ നോമിനേഷൻ പട്ടികയിൽ. ദേശീയ പുരസ്‌കാര ജേതാവ് രാജ്കുമാർ റാവുവിനെ കേന്ദ്രകഥാപാത്രമാക്കി അമിത് വി മസുർകർ സംവിധാനം ചെയ്യുന്ന ആക്ഷേപ ഹാസ്യ ചിത്രമാണ് ന്യൂട്ടൺ. ഇന്ത്യയിൽനിന്നുള്ള ഔദ്യോഗിക എൻട്രിയായാണ് ചിത്രം 2018ലെ ഓസ്‌കാർ നോമിനേഷനിൽ എത്തിയിരിക്കുന്നത്.

ഛത്തീസ്ഗഡിലെ നക്‌സൽ സ്വാധീനമുള്ള പ്രദേശത്ത് ഒരു സർക്കാർ ജീവനക്കാരൻ നേരിടുന്ന അനുഭവങ്ങളാണ് ചിത്രം പറയുന്നത്. പങ്കജ് ത്രിപാഠി, അഞ്ജലി പാട്ടീൽ, രഘുബീർ യാദവ് എന്നിവരാണ് മറ്റ് കഥാപാത്രങ്ങൾ.