ഒടുവിൽ ലാലേട്ടനും കളിച്ചു എന്റമ്മേടെ ജിമിക്കിം കമ്മൽ

ലോകം എമ്പാടും തരംഗമായി മാറിയ എന്റമ്മേടെ ജിമിക്കിം കമ്മൽ പാട്ടിന് ചുവട്വച്ച് മോഹൻലാൽ. വെളിപാടിന്റെ പുസ്തകം എന്ന ലാൽ ജോസ് ചിത്രത്തിനുവേണ്ടി ഷാൻ റഹ്മാൻ സംഗീതം നിർവ്വഹിച്ച ഗാനമാണ് എന്റമ്മേടെ ജിമിക്കിം കമ്മൽ. നിരവധി പേരാണ് ഇതിനോടകം ഈ ഗാനത്തിന് ചുവട് വച്ച് രംഗത്തെത്തിയത്. നേരത്തേ പ്രണവ് മോഹൻലാലും ജിമിക്കിം കമ്മലിന് ചുവടുവച്ചിരുന്നു. അപ്പോഴെല്ലാം എല്ലാവരും ഉറ്റ് നോക്കിയിരുന്നത് ചിത്രത്തിലെ നായകനായ മോഹൻലാൽ ഈ ഗാനത്തിന് ചുവട് വയ്ക്കുമോ എന്നായിരുന്നു. ഇപ്പോൾ അപ്രതീക്ഷിതമായി അതും സംഭവിച്ചു.