ടി പി വധക്കേസിലെ പ്രതികൾക്ക് വഴിവിട്ട് പരോൾ നൽകിയെന്ന് പരാതി

ആർ എം പി നേതാവ് ടി പി ചന്ദ്രശേഖരൻ വധക്കേസിലെ പ്രതികൾക്ക് ജയിൽവകുപ്പ് വഴിവിട്ട് പരോൾ അനുവദിച്ചതായി കണ്ടെത്തൽ. കേസിലെ പ്രധാന പ്രതിയായ കുഞ്ഞനന്തന് 134 ദിവസത്തെ പരോളും കെ.സി. രാമചന്ദ്രന് മൂന്നു മാസത്തെ പരോളും നൽകിയതായാണ് കണ്ടെത്തൽ.

ജയിൽചട്ടം അനുസരിച്ച് ഒരു വർഷം പരമാവധി 60 ദിവസം വരെ മാത്രമേ പരോൾ നൽകാനാകൂ. എന്നാൽ ഈ നിബന്ധന മറികടന്നാണ് ഇരുവർക്കും പരോൾ നൽകിയിരിക്കുന്നത്. രേഖാമൂലമുള്ള തെളിവുകൾ ചൂണ്ടിക്കാട്ടി ആർ എം പി നേതാവ് കെ കെ രമ ജയിൽ ഡിജിപിക്ക് പരാതി നൽകി.