ജയലളിതയുടെ മരണം; മൂന്ന് മാസത്തിനകം റിപ്പോര്ട്ട് സമര്പ്പിക്കാന് സര്ക്കാര് വിജ്ഞാപനം
തമിഴ്നാട് മുഖ്യമന്ത്രിയായിരുന്ന ജയലളിതയുടെ മരണം മൂന്ന് മാസം കൊണ്ട് അന്വേഷിക്കാച്ച് റിപ്പോര്ട്ട് സമര്പ്പിക്കാന് സർക്കാർ വിജ്ഞാപനം പുറപ്പെടുവിച്ചു.വരുന്ന തിങ്കളാഴ്ച മുതൽ മൂന്ന് മാസമാണ് സർക്കാർ നിയോഗിച്ച ജുഡീഷ്യൽ കമ്മീഷന് സര്ക്കാര് അനുവദിച്ചിരിക്കുന്ന സമയം. കമ്മീഷന്റെ അധികാര പരിധി സര്ക്കാര് നിശ്ചയിച്ച് നല്കിയിട്ടുണ്ട്.
ജയലളിതയെ ആശുപത്രിയിൽ പ്രവേശിപ്പിച്ചത് മുതൽ മരിച്ചതുവരെയുള്ള എല്ലാ കാര്യങ്ങളും അന്വേഷണ പരിധിയിൽ വരുമെന്ന് സർക്കാർ പുറപ്പെടുവിച്ച ഉത്തരവിലുണ്ട്. ആശുപത്രിയിൽ പ്രവേശിപ്പിക്കാനുണ്ടായ സാഹചര്യം, ആശുപത്രിവാസം, ചികിത്സ, മരണത്തിലേക്ക് നയിച്ച സാഹചര്യം എന്നിവയെല്ലാം കമ്മീഷന്റെ അന്വേഷണ പരിധിയിൽ ഉൾപ്പെടുത്തിയിട്ടുണ്ട്. ഇതെല്ലാം പരിശോധിച്ചാണ് കമ്മീഷന് അന്തിമ റിപ്പോര്ട്ട് സമര്പ്പിക്കേണ്ടത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here