റെയിൽവെയിൽ പുതിയ പരിഷ്‌കാരങ്ങൾ; പുതിയ ടൈംടേബിൽ മുതൽ സിസിടിവി ക്യാമറകൾ വരെ

തിരക്കുകൾക്കനുസരിച്ച് നിരക്ക് വർദ്ധിപ്പിക്കുന്ന ഫഌക്‌സി ഫെയർ സംവിധാനം ജനങ്ങൾക്ക് ഉപകാരപ്പെടുന്ന രീതിയിലേക്ക് മാറ്റാൻ ഒരുങ്ങി ഇന്ത്യൻ റെയിൽവെ. രാജാധാനി, തുരന്തോ, സുവിധ എന്നീ ട്രയിനുകളിലാണ് നിലവിൽ ഈ സമ്പ്രദായം നിലവിലുള്ളത്. പിയൂഷ് ഗോയൽ റെയിൽവെ മന്ത്രിയായി ചുമതലയേറ്റതിന് ശേഷം നിലവിലുള്ള നിയമങ്ങൾ പൊളിച്ചെഴുതാനുള്ള നീക്കത്തിലാണ്.

• ട്രയിനുകളുടെ സമയക്രമം കൃത്യമാക്കി നവംബറോടെ ടൈംടേബിൾ പരിഷ്‌കരിക്കും.
• 700 ഓളം ട്രയിനുകളുടെ വേഗം കൂട്ടും
• 48 മെയിൽ / എക്‌സ്പ്രസ് ട്രയിനുകളെ സൂപ്പർ ഫാസ്റ്റ് വിഭാഗത്തിലാക്കും
• റെയിൽവേ സ്റ്റേഷനുകളിലും കോച്ചുകളിലും സിസിടിവി ക്യാമറകൾ സ്ഥാപിക്കും
• റെയിൽവെ സുരക്ഷാ സേനാംഗങ്ങൾക്കും ടിക്കറ്റ് എക്‌സാമിനർമാർക്കും ഡ്യൂട്ടി സമയത്ത് യൂണിഫോം നിർബന്ധമാക്കും.