മംഗളൂരു ജങ്ഷനിൽ ട്രിപ്പ് ഷെഡ്ഡ് വരുന്നു

വൈദ്യുതി എൻജിനുകളുടെ ചെറിയ അറ്റകുറ്റപ്പണിക്ക് മംഗളൂരു ജങ്ഷനിൽ ട്രിപ്പ് ഷെഡ്ഡ് വരുന്നു. എൻജിനീയറിങ് വിഭാഗത്തിന്റെ നേതൃത്വത്തിൽ ഇതിന്റെ സിവിൽ ജോലികൾ തുടങ്ങി. കേരളത്തിൽ എറണാകുളത്തും തിരുവനന്തപുരത്തും മാത്രമാണ് നിലവിൽ ട്രിപ്പ് ഷെഡ്ഡ് ഉള്ളത്.

ഷൊർണൂർ-മംഗളൂരു പാത പൂർണമായും വൈദ്യുതീകരിച്ചതിനാൽ കൂടുതൽ വണ്ടികൾ വൈദ്യുതി എൻജിനിലേക്ക് മാറിയ സാഹചര്യത്തിലാണിത്. പാലക്കാട് ഡിവിഷനിലെ ആദ്യത്തെ ട്രിപ്പ് ഷെഡ്ഡാണ് മംഗളൂരു ജങ്ഷനിലേത്.

എന്നാൽ, വലിയ അറ്റകുറ്റപ്പണിക്ക് പൂർണമായി സജ്ജീകരിച്ച ഇലക്ട്രിക് ലോക്കോ ഷെഡ്ഡുകൾ കേരളത്തിലില്ല. അതിന് തമിഴ്‌നാട്ടിലെ ഈറോഡ്, ആരക്കോണം, റോയപുരം എന്നിവിടങ്ങളിലെത്തണം.

mangalore junction trip shed