ജാമ്യം ലഭിച്ചതിൽ ആശ്വാസമുണ്ടെന്ന് ദിലീപ്

ഹൈക്കോടതി ജാമ്യം അനുവദിച്ചതിൽ ആശ്വാസമുണ്ടെന്ന് നടിയെ ആക്രമിച്ച കേസിൽ ജയിലിൽ കഴിയുന്ന ദിലീപ് പറഞ്ഞു. നടിയെ ആക്രമിച്ച കേസിൽ പ്രതിയായി കഴിഞ്ഞ 85 ദിവസമായി ദിലീപ് ജയിലിലാണ്. കോടതി ജാമ്യം നൽകിയ വിവരം ജയിൽ സൂപ്രണ്ട് നേരിട്ട് ചെന്ന് ദിലീപിനെ അറിയിക്കുകയായിരുന്നു. കർശന ഉപാധികളോടെയാണ് ജാമ്യം അനുവദിച്ചിരിക്കുന്നത്.

ഒരു ലക്ഷം രൂപ ബോണ്ടും രണ്ട് പേരുടെ ആൾ ജാമ്യവും നൽകാനും കോടതി ആവശ്യപ്പെട്ടു. കഴിഞ്ഞ രണ്ട് തവണയും ഹൈക്കോടതിയിൽ ജാമ്യാപേക്ഷ തള്ളിയ ജസ്റ്റിസ് സുനിൽ തോമസ് തന്നെയാണ് ഇത്തവണ ദിലീപിന് ജാമ്യം അനുവദിച്ചത്.