ഭൗതികശാസ്ത്ര നൊബേൽ പുരസ്‌കാരം പ്രഖ്യാപിച്ചു

ഭൂഗുരുത്വ തരംഗങ്ങളെ സംബന്ധിച്ചു പഠനം നടത്തിയ അമേരിക്കൻ ശാസ്ത്രജ്ഞർക്ക് ഭൗതികശാസ്ത്ര നൊബേൽ പുരസ്‌കാരം. മസാച്യുസെറ്റ് ഇൻസ്റ്റിറ്റ്യൂട്ട് ഓഫ് ടെക്‌നോളജിയിലെ പ്രഫസർ റെയ്‌നർ വീസ്, കാലിഫോർണിയ ഇൻസ്റ്റിറ്റ്യൂട്ട് ഓഫ് ടെക്‌നോളജിയിലെ പ്രഫസർമാരായ ബാരി ബ്രിഷ്, കിപ് തോൺ എന്നിവർക്കാണ് പുരസ്‌കാരം. റോയൽ സ്വീഡിഷ് അക്കാഡമി അറിയിച്ചതാണ് ഇക്കാര്യം.

നൂറുവർഷം മുമ്പ് സാമാന്യ ആപേക്ഷിക സിദ്ധാന്തത്തിൽ ആൽബർട്ട് ഐൻസ്റ്റീൻ ഭൂഗുരുത്വ തരംഗങ്ങളെ സംബന്ധിച്ചു വിശദീകരിച്ചിരുന്നെങ്കിലും ഇത് നേരിൽ കാണാൻ കഴിഞ്ഞിരുന്നില്ല. എന്നാൽ ഇപ്പോൾ ഭൂഗുരുത്വ തരംഗങ്ങളെ സംബന്ധിച്ച് നടത്തിയ പഠനത്തിനാണ് മൂവർക്കും പുരസ്‌കാരം.