ഓടിക്കൊണ്ടിരുന്ന ട്രയിനിന്റെ ലോക്കോ പൈലറ്റ് കുഴഞ്ഞു വീണു

ഓടിക്കൊണ്ടിരിന്ന ട്രയിനിന്റെ ലോക്കോ പൈലറ്റ് കുഴഞ്ഞു വീണു. കൊൽക്കത്തയിലെ ലോക്കൽ ട്രയിനിലെ ലോക്കോ പൈലറ്റ് ഹൽദാറാണ് സർവ്വീസ് നടത്തുന്നതിനിടെ ദേഹാസ്വാസ്ഥ്യത്തെ തുടർന്ന് കുഴഞ്ഞു വീണത്.

ഇന്നലെ ഉച്ചയ്ക്ക് ഹൗറയിൽ നിന്ന് ബുർദ്വാനിയിലേക്ക് പോകവെ ദെയ്ൻഹാതിൽ ആയിരുന്നു സംഭവം. ട്രയിൻ ട്രാക്കുമാറുന്നതിനിടെ ഹൽദാർ ബോധരഹിതനാകുകയായിരുന്നു. അതേസമയം ഡെഡ് സ്വിച്ചിൽ നിന്ന് ഡ്രൈവറുടെ കൈ മാറിയതിനാൽ ട്രയിൻ നിന്നതിനാൽ വൻ അപകടം ഒഴിവാക്കുകയായിരുന്നു.

ട്രയിൻ നിന്നതോടെ യാത്രക്കാരും റെയിൽവെ ഉദ്യോഗസ്ഥരും ചേർന്ന് ഹൽദറിനെ ആശുപത്രിയിൽ പ്രവേശിപ്പിച്ചു. പിന്നീട് മറ്റൊരു ഡ്രൈവറെ എത്തിച്ച് യാത്ര പുനരാരംഭിച്ചു.