ജിഷ്ണു പ്രണോയ് കേസ് ഇന്ന് സുപ്രീംകോടതിയിൽ

ജിഷ്ണു പ്രണോയ് കേസ് ഏറ്റെടുക്കാനാകില്ലെന്ന സിബിഐ നിലപാട് സുപ്രീംകോടതി ഇന്ന് പരിശോധിക്കും. കേസ് ഏറ്റെടുക്കാനാകില്ലെന്ന് സിബിഐ കഴിഞ്ഞ തവണ വാക്കാൽ അറിയിച്ചിരുന്നു. സിബിഐ നിലപാട് രേഖാമൂലം സമർപ്പിക്കാനാണ് കോടതി ആവശ്യപ്പെട്ടിരിക്കുന്നത്.

കേസ് സിബിഐ തന്നെ അന്വേഷിക്കണമെന്ന് ബോധ്യപ്പെടുത്താൻ സംസ്ഥാന സർക്കാരിന് സാധിച്ചാൽ ഇടപെടുമെന്ന് കോടതി വ്യക്തമാക്കിയിട്ടുണ്ട്. കേസിൽ കൃഷ്ണദാസ് ഉൾപ്പടെയുള്ളവർക്ക് ജാമ്യം നൽകിയ ഹൈക്കോടതി തീരുമാനം ചോദ്യം ചെയ്ത് സംസ്ഥാന സർക്കാരാണ് സുപ്രീംകോടതിയെ സമീപിച്ചത്.