സി.കെ. വിനീതിന് സര്ക്കാര് ജോലി
പ്രശസ്ത ഇന്ത്യന് ഫുട്ബോള് താരം സി.കെ. വിനീതിന് സ്പോര്ട്സ് ക്വാട്ടയില് സെക്രട്ടറിയേറ്റിലെ പൊതുഭരണവകുപ്പില് അസിസ്റ്റന്റായി സൂപ്പര്ന്യൂമററി തസ്തികയില് നിയമനം നല്കാന് തീരുമാനിച്ചു.
ശ്രീ ശങ്കരാചാര്യ സംസ്കൃത സര്വ്വകലാശാലയിലെ അദ്ധ്യാപകരുടെ വിരമിക്കല് തീയതി അക്കാദമിക്ക് വര്ഷത്തിന്റെ അവസാനം വരെ നീട്ടുന്നതിന് ഓര്ഡിനന്സ് പുറപ്പെടുവിക്കാന് ഗവര്ണറോട് ശുപാര്ശ ചെയ്യാന് മന്ത്രിസഭ തീരുമാനിച്ചു.
ഇടുക്കി ജില്ലയിലെ മൂന്ന് ആയുവേദ ആശുപത്രികളില് ഏഴ് ആയുര്വേദ തെറാപ്പിസ്റ്റ് (ഗ്രേഡ് 2) തസ്തികകള് സൃഷ്ടിക്കാന് തീരുമാനിച്ചു. പാറേമാവ്, കല്ലാര്, തൊഴുപുഴ എന്നിവിടങ്ങളിലെ സര്ക്കാര് ആയുര്വേദ ആശുപത്രികളിലാണ് പുതിയ തസ്തികകള് സൃഷ്ടിക്കുന്നത്.
സംസ്ഥാന പ്ലാനിംഗ് ബോര്ഡിന്റെ കാര്ഷിക വിഭാഗം ചീഫ് ആയി വിരമിച്ച ഡോ. രാജശേഖരനെ സംസ്ഥാന കാര്ഷിക വിലനിര്ണയ ബോര്ഡിന്റെ ചെയര്മാനായി നിയമിക്കാന് തീരുമാനിച്ചു.
മയക്കുമരുന്നു ദുരുപയോഗം സംബന്ധിച്ച് പഠനം നടത്തുന്നതിന് എക്സൈസ് വകുപ്പില് ഒരു ഗവേഷണ, റിസോര്സ് ഗ്രൂപ്പ് രൂപീകരിക്കും.
സ്വകാര്യസ്ഥാപനങ്ങളില്നിന്ന് ഉള്പ്പെടെ വിവിധ ധനകാര്യ ഏജന്സികളില് നിന്ന് മത്സ്യതൊഴിലാളികള് എടുത്ത വായ്പയുടെ തിരിച്ചുപിടിക്കല് നടപടികള്ക്ക് പ്രഖ്യാപിച്ച മൊറോട്ടോറിയത്തിന്റെ കാലാവധി 2018 ഡിസംബര് 31 വരെ ദീര്ഘിപ്പിക്കാന് തീരുമാനിച്ചു.
കണ്ണൂര് വിമാനത്താവളത്തിനുവേണ്ടി ഭൂമി ഏറ്റെടുക്കുമ്പോള് വീടുമാറുന്നവര്ക്ക് അനുവദിക്കുന്ന വാടക 5,000 രൂപയില്നിന്ന് 8,750 രൂപയായി വര്ധിപ്പിക്കാന് അനുമതി നല്കി. ഇതിന് മുന്കാല പ്രാബല്യമുണ്ടായിരിക്കില്ല.
govt job for CK Vineeth
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here