ഗ്യാസ് സിലിണ്ടറിൽ നിന്ന് തീപിടിച്ച് രണ്ട് പേർ മരിച്ചു

മണ്ണന്തലയിൽ ഗ്യാസ് സിലിണ്ടറിൽ നിന്ന് തീപിടിച്ച് രണ്ട് പേർ മരിച്ചു. എറണാകുളം സ്വദേശികളായ റോയി തോമസ്, ഭാര്യ ഗ്രേസി എന്നിവരാണ് മരിച്ചത്. ഇന്നലെ രാത്രി പതിനൊന്നരയോടെ ആയിരുന്നു അപകടം. അപകടത്തിൽ ദുരൂഹതയുണ്ടെന്ന നിലപാടിലാണ് പോലീസ്.

ആത്മഹത്യയാകാമെന്നും പൊലീസ് സംശയിക്കുന്നു. ഗ്യാസ് സിലിണ്ടർ
പൊട്ടിത്തെറിക്കാത്തതാണ് സംശയം ഉണ്ടാക്കുന്നത്. ഇന്ന് മൃതദേഹ പരിശോധനയും പോസ്റ്റുമോർട്ടവും നടക്കും. ശാസ്ത്രീയ അന്വേഷണ സംഘവും സ്ഥലത്തെത്തും.