അടുത്ത 48 മണിക്കൂറിൽ കനത്ത മഴയ്ക്കും കടൽക്ഷോഭത്തിനും സാധ്യത

അടുത്ത 48 മണിക്കൂറിൽ തെക്കൻകേരളത്തിന്റെ വിവിധ ഭാഗങ്ങളിൽ കനത്ത മഴയ്ക്കും വിഴിഞ്ഞം മുതൽ കാസർകോട് വരെ ശക്തമായ കടൽക്ഷോഭത്തിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.

കാറ്റിന്റെ വേഗത മണിക്കൂറിൽ 65 കി.മീ വരെയാകാൻ സാധ്യതയുള്ളതിനാൽ മീൻപിടിത്തക്കാർ ഇന്നും നാളെയും കടലിൽ പോകുന്നത് ഒഴിവാക്കണം.
കേന്ദ്ര ഭൗമശാസ്ത്ര മന്ത്രാലയത്തിനു കീഴിലെ എർത്ത് സിസ്റ്റം സയൻസ് ഓർഗനൈസേഷൻ നാവിക സേനക്കും കോസ്റ്റ് ഗാർഡിനും കേരള, തമിഴ്‌നാട്
ചീഫ് സെക്രട്ടറിമാർക്കും ജാഗ്രതാ നിർദേശം നൽകിക്കൊണ്ടുള്ള അടിയന്തര സന്ദേശവും അയച്ചു.

chances of heavy rain within 48 hours