ഓഖി ചുഴലിക്കാറ്റ്; 72 പേരെ കണ്ടെത്തി

ഓഖി ചുഴലിക്കാറ്റിനെ തുടര്‍ന്നുണ്ടായ കടല്‍ക്ഷോഭത്തില്‍പെട്ടുപോയ 72 പേരെ കൂടി രക്ഷപ്പെടുത്തി. കോസ്റ്റ്ഗാര്‍ഡാണ് ഇക്കാര്യം അറിയിച്ചത്. ലക്ഷദ്വീപിലെ ബിത്രയ്ക്ക് സമീപത്തുനിനന്നാണ് ഇവരെ കണ്ടെത്തിയത്. ഇതില്‍ 14 മലയാളികളും 58 തമിഴ്‌നാട്ടുകാരുമാണ് ഉള്ളതെന്നാണ് സൂചന. ആറ് മത്സ്യ ബന്ധന ബോട്ടുകളിലായാണ് ഇവരെ കണ്ടെത്തിയത്. ഇവര്‍ക്ക് ശാരീരികമായ അവശകതളോ പരിക്കോ ഇല്ല.  കോസ്റ്റ്ഗാര്‍ഡാണ് ഇവരെ കണ്ടെത്തിയത്. ഇവരെ സുരക്ഷിത കേന്ദ്രത്തിലേക്ക് മാറ്റി.