ഒടിയന്‍; ടീസര്‍ ബുധനാഴ്ചയെത്തും

ആരാധകരുടെ കാത്തിരിപ്പിന് വിരാമമിട്ട് ഒടിയന്റെ ടീസര്‍ ഡിസംബര്‍ 13ന് എത്തും. മാണിക്യന്‍ എന്ന കഥാപാത്രമാണ് മോഹന്‍ലാല്‍ ഈ ചിത്രത്തില്‍ അവതരിപ്പിക്കുന്നത്. മോഹന്‍ലാലിന്റെ വ്യത്യസ്തമായ ഒരു ചിത്രമാണ് ഫസ്റ്റ് ലുക്ക് പോസ്റ്റര്‍ വഴി ആരാധകര്‍ക്ക് ലഭിച്ചത്. 30വയസ് പ്രായമുള്ള ആളുടെ രൂപത്തിലും മോഹന്‍ലാല്‍ ഈ ചിത്രത്തില്‍ എത്തുമെന്നാണ് സൂചന. ശ്രീകുമാര്‍ മേനോന്റെ ബിഗ് ബജറ്റ് ചിത്രമാണിത്.
സിനിമയുടെ ചിത്രീകരണം തേന്‍കുറിശ്ശിയില്‍ പുരോഗമിക്കുകയാണ്. സിനിമയുടെ സംഘട്ടനങ്ങള്‍ ഒരുക്കുന്നത് പീറ്റര്‍ ഹെയ്‌നാണ്. ടീസര്‍ റിലീസിന്‍റെ വിവരം ട്വിറ്ററിലൂടെയാണ് സംവിധായകന്‍ ശ്രീകുമാര്‍ മേനോന്‍ അറിയിച്ചത്.