രൂപയുടെ മൂല്യം ഉയർന്നു

ഡോളറിനെതിരെ രൂപയുടെ മൂല്യം രണ്ട് മാസത്തെ ഉയരത്തിൽ. ഗുജറാത്തിലെയും ഹിമാചൽ പ്രദേശിലെയും എക്‌സിറ്റ് പോൾ ഫലങ്ങൾ ബിജെപിക്ക് അനുകൂലമായതോടെയാണ് രൂപയുടെ മൂല്യം ഉയർന്നത്.

രാവിലെ 64.20ലാണ് വ്യാപാരം തുടങ്ങിയതെങ്കിലും പിന്നീട് 64.11 നിലവാരത്തിലെത്തി. 64.35നാണ് കഴിഞ്ഞ ദിവസം ക്ലോസ് ചെയ്തത്. കഴിഞ്ഞ സെപ്റ്റംബർ 18നാണ് ഇതിനുമുമ്പ് ഈ നിലവാരത്തിൽ രൂപയുടെ മൂല്യമെത്തിയത്.