ലോക്‌സഭയില്‍ കോണ്‍ഗ്രസ് പ്രതിഷേധം

‘ഓഖി’ ദുരന്തത്തില്‍ കേന്ദ്രം സ്വീകരിച്ച നിലപാടില്‍ മുഖ്യപ്രതിപക്ഷമായ കോണ്‍ഗ്രസ് ലോക്‌സഭയില്‍ പ്രതിഷേധിച്ച് ഇറങ്ങി പോയി. നേരത്തെ എം.പിമാരായ കെ.സി വേണുഗോപാല്‍, ജോസ് കെ. മാണി, ശശി തരൂര്‍ എന്നിവര്‍ കേരളത്തിന് വേണ്ടി ഓഖി ദുരന്തത്തെക്കുറിച്ച് ലോക്‌സഭയില്‍ സംസാരിച്ചിരുന്നു. ഓഖിയെ ദേശീയ ദുരന്തമായി പ്രഖ്യാപിക്കണമെന്ന കേരളത്തിന്റെ ആവശ്യം ആഭ്യന്തരമന്ത്രി രാജ്‌നാഥ് സിംഗ് തള്ളി കളയുക കൂടി ചെയ്ത് സംസാരിച്ചപ്പോള്‍ അതില്‍ പ്രതിഷേധിച്ചായിരുന്നു കോണ്‍ഗ്രസ് സഭയില്‍ നിന്ന് ഇറങ്ങി പോയത്.