മൂടൽ മഞ്ഞ്; ലോറിക്കു പിന്നിൽ 12 കാറുകൾ കൂട്ടി ഇടിച്ചു; രണ്ട് മരണം

നിർത്തിയിട്ടിരുന്ന ലോറിയ്ക്കു പിന്നിൽ 12 കാറുകൾ കൂട്ടിയിടിച്ച് രണ്ട് പേർ മരിച്ചു. നിരവധി പേർക്ക് പരുക്കേറ്റിട്ടുണ്ട്. ലഖ്‌നൗ-ആഗ്ര എക്‌സ്പ്രസ് വേയിലാണ് സംഭവം. ഇന്ന് രാവിലെയാണ് അപകടമുണ്ടായത്. ദീപക് (32) സുമിത(34) എന്നിവരാണ് മരിച്ചത്.

കനത്ത പുകമഞ്ഞിനെ തുടർന്ന് റോഡിലെ ദൃശ്യപരിധി കുറഞ്ഞതാണ് അപകടത്തിന് കാരണമായത്. എഞ്ചിൻ തകരാറിനെ തുടർന്ന് റോഡിൽ നിർത്തിയിട്ടതായിരുന്നു ലോറി. പിന്നിലെത്തിയ കാറിന്റെ ഡ്രൈവർക്ക് ലോറി നിർത്തിയിട്ടത് കാണാൻ സാധിച്ചിരുന്നില്ല. പിന്നാലെ വന്ന വാഹനങ്ങളെല്ലാം അപകടത്തിൽപെടുകയായിരുന്നു.