മുത്തലാഖ് ബിൽ അടുത്ത ആഴ്ച രാജ്യസഭയിൽ

ലോക്‌സഭ പാസ്സാക്കിയ മുത്തലാഖ് ബിൽ അടുത്തയാഴ്ച്ച രാജ്യസഭയിൽ പാസ്സാക്കിയേക്കുമെന്ന് പാർലമെന്ററികാര്യ സഹമന്ത്രി വിജയ് ഗോയൽ.

ബിജെപിക്ക് ഭൂരിപക്ഷമില്ലാത്ത രാജ്യസഭയിൽ ബിൽ പാസ്സാക്കിയെടുക്കുന്നതിനുള്ള സമവായ ശ്രമത്തിലാണ് കേന്ദ്രസർക്കാർ. കോൺഗ്രസിന്റെ നിലപാട് രാജ്യസഭയിൽ നിർണായകമാകും.

മുത്തലാഖ് നടത്തുന്നവർക്ക് മൂന്ന് വർഷം തടവുശിക്ഷ. ഇരകൾക്ക് ജീവനാംശവും പ്രായപൂർത്തിയാകാത്ത മക്കളെ ഒപ്പം കൂട്ടാനുള്ള അവകാശവും ഉറപ്പ് നൽകുന്നതാണ് ബില്ല്. അസദുദ്ദീൻ ഒവൈസിയും എൻ.കെ പ്രേമചന്ദ്രനും എ സമ്പത്തും അടക്കമുള്ളവർ അവതരിപ്പിച്ച ഭേദഗതികൾ തള്ളിയാണ് ബില്ല് ലോക്‌സഭയിൽ
പാസ്സാക്കിയത്.