മുത്തലാഖ് ബിൽ ഇന്ന് രാജ്യസഭയിൽ

മുത്തലാഖ് ക്രിമിനൽ കുറ്റമാക്കുന്ന ബിൽ ഇന്ന് രാജ്യസഭയിൽ. ബിൽ സെലക്ട് കമ്മിറ്റിയ്ക്ക് വിടണമെന്ന് പ്രതിപക്ഷം ആവശ്യപ്പെടും. രാജ്യസഭയിൽ ഭൂരിപക്ഷമില്ലാത്തതിനാൽ ബിൽ ഭേദഗതിയില്ലാതെ പാസാക്കാൻ കേന്ദ്രത്തിന് സാധിക്കില്ല.

57 അംഗങ്ങൾ വീതമാണ് കോൺഗ്രസിനും ബിജെപിയ്ക്കും രാജ്യസഭയിലുള്ളത്. ഇടതുപക്ഷവും അണ്ണാ ഡിഎംകെയും ബിജു ജനതാദളും എൻസിപിയും അടക്കം പ്രതിപക്ഷത്തുള്ള എഴുപത്തഞ്ചോളം അംഗങ്ങൾക്ക് നിർദ്ദിഷ്ട ബിൽ ചർച്ചയ്ക്കായി സെലക്ട് കമ്മിറ്റിക്ക് വിടണമെന്ന അഭിപ്രായമാണുള്ളത്. പതിനഞ്ചോളം ബിജെപിയിതര അംഗങ്ങൾ മാത്രമാണ് ബില്ലിനെ പിന്തുണയ്ക്കുന്നത്.