ടിപി ചന്ദ്രശേഖരന്‍ വധം;ഗൂഢാലോചന കേസില്‍ ഹൈക്കോടതി പരാമര്‍ശം

രണ്ട് എഫ്‌ഐആര്‍ രജിസ്റ്റര്‍ ചെയ്തത് ഗൂഢാലോചന കേസില്‍ നിലനില്‍ക്കുമോ എന്ന് ഹൈക്കോടതി സംശയം ഉന്നയിച്ചു. കേസില്‍ സിബിഐ അന്വേഷണം വേണമെന്ന ആവശ്യവുമായി ചന്ദ്രശേഖരന്റെ ഭാര്യ കെ.കെ രമ സമര്‍പ്പിച്ച ഹര്‍ജി പരിഗണിച്ചാണ് കോടതി ഈ കാര്യം പറഞ്ഞത്. രണ്ട് എഫ് ഐ ആര്‍ റിപ്പോര്‍ട്ടുകള്‍ നിലനില്‍ക്കെ എങ്ങനെയാണ് സി.ബി.ഐ അന്വേഷണം സാധ്യമാകുക എന്നും കോടതി ചോദിച്ചു. കേസിന്റെ നിയമസാധുത കോടതി പരിശോധിക്കും. കേസില്‍ തുടരന്വേഷണം ആകാമായിരുന്നെന്നും കോടതി പരാമര്‍ശിച്ചു. കേസില്‍ വിശദമായ വാദത്തിന് വേണ്ടി ചൊവ്വാഴ്ചയിലേക്ക് മാറ്റി.