സഹകരണ ബാങ്ക് നിക്ഷേപങ്ങളുടെ പലിശ ഉയർത്തി

സഹകരണ ബാങ്കുകളിൽ സ്ഥിരനിക്ഷേപങ്ങളുടെ പലിശനിരക്ക് കാൽശതമാനം ഉയർത്തി. ബുധനാഴ്ച തുടങ്ങുന്ന നിക്ഷേപസമാഹരണം മുൻനിർത്തിയാണിത്. പ്രാഥമിക സഹകരണ സംഘങ്ങൾ, ജില്ലാ സംസ്ഥാന സഹകരണ ബാങ്കുകൾ എന്നിവയ്‌ക്കെല്ലാം ഇത് ബാധകമാണ്.

നിലവിലെ പലിശനിരക്കിൽ ഡിസംബർ 16 മുതൽ കുറവ് വരുത്തിയിരുന്നു. എന്നാൽ പലിശനിരക്ക് ആകർഷകമല്ലാത്തത് ഫെബ്രുവരി ഒൻപത് വരെ നടക്കുന്ന നിക്ഷേപസമാഹരണത്തെ ബാധിക്കുമെന്ന ആശങ്കയെത്തുടർന്നാണ് നടപടി.

15 മുതൽ 45 ദിവസം വരെയുള്ള നിക്ഷേപങ്ങളുടെ പലിശയിൽ വർധനയില്ല. മറ്റെല്ലാ സ്ഥിരനിക്ഷേപങ്ങൾക്കും പലിശകൂടും.