ശ്രീജീവിന്റെ മരണം; പോലീസിനെതിരെ സര്‍ക്കാര്‍ കോടതിയില്‍

ശ്രീജിവിന്റെ കസ്റ്റഡി മരണത്തില്‍ നിലനില്‍ക്കുന്ന സ്റ്റേ നീക്കണമെന്ന ആവശ്യവുമായി സര്‍ക്കാര്‍ ഹൈക്കോടതിയെ സമീപിച്ചു. ഒന്നര വര്‍ഷമായി നിലനില്‍ക്കുന്ന സ്‌റ്റേ നീക്കണമെന്നാണ് സര്‍ക്കാരിന്റെ ആവശ്യം. ഹൈക്കോടതി ഈ ആവശ്യം നാളെ പരിഗണിക്കും. ശ്രീജീവിന്റെ മരണത്തിലെ ദുരൂഹതകള്‍ സിബിഐ അന്വേഷിക്കണമെന്ന ആവശ്യവുമായി സെക്രട്ടറിയേറ്റിന് മുന്‍പില്‍ സമരം ചെയ്യുന്ന സഹോദരന്‍ ശ്രീജിത്തുമായി കൂടികാഴ്ച നടത്തിയപ്പോള്‍ മുഖ്യമന്ത്രി പിണറായി വിജയന്‍ കോടതിയില്‍ സര്‍ക്കാര്‍ ഒപ്പമുണ്ടാകുമെന്ന ഉറപ്പ് നല്‍കിയിരുന്നു. അതേ തുടര്‍ന്നാണ് സര്‍ക്കാരിന്റെ ഈ ഇടപെടല്‍.