മിന്നൽ ബസ് ഇടിച്ച് അപകടം; രണ്ട് യുവാക്കൾക്ക് ഗുരുതര പരിക്ക്

തിരുവനന്തപുരം കഴക്കൂട്ടത്ത് വാഹനാപകടത്തിൽ രണ്ട് യുവാക്കൾക്ക് ഗുരുതര പരിക്ക്. കഴക്കൂട്ടത്തിനടുത്ത് അമ്പലത്തിൻക്കര എന്ന സ്ഥലത്ത് വെച്ച് കെ എസ് ആർ ടി സിയുടെ യുടെ മിന്നൽ ബസും , സ്‌കൂട്ടറും തമ്മിൽ ഇടിച്ചാണ് അപകടം ഉണ്ടായത് . കാര്യവട്ടം ക്യാമ്പസിലെ ഗവേഷക വിദ്യാർത്ഥികളായ അജിത്ത് സി രാമൻ , പ്രദീപ് എന്നീവർക്കാണ് പരിക്കേറ്റത് .

കടയിൽ നിന്ന് സാധനം വാങ്ങി റോഡ് ക്രോസ് ചെയ്യാൻ ശ്രമിക്കുമ്പോഴായിരുന്നു അപകടം ഉണ്ടായത്. അപകടത്തിൽപ്പെട്ട ബസ് സ്‌കൂട്ടർ യാത്രക്കാരായ യുവാക്കളെയും വലിച്ച് കൊണ്ട് അൽപ്പദൂരം മുൻപോട്ട് പോയ ശേഷം ആണ് നിർത്തിയത് . തിരുവനന്തപുരം മെഡിക്കൽ കോളേജിൽ പ്രവേശിപ്പിച്ച ഇരുവരും അത്യാസന നിലയിലാണ്.