ഡല്‍ഹിയില്‍ 20 എംഎല്‍എമാരെ അയോഗ്യരാക്കി

ഡല്‍ഹിയില്‍ ആം ആദ്മി പാര്‍ട്ടിയുടെ 20 എംഎല്‍എമാരെ അയോഗ്യരാക്കി. തിരഞ്ഞെടുപ്പ് കമ്മീഷന്റേതാണ് നടപടി. മന്ത്രിമാരുടെ പാര്‍ലിമെന്ററി പാര്‍ട്ടി സെക്രട്ടറി സ്ഥാനം വഹിച്ചതിനാണ് തിരഞ്ഞെടുപ്പ് കമ്മീഷന്‍ എംഎല്‍എമാര്‍ക്കെതിരെ നടപടി സ്വീകരിച്ചത്. ഡല്‍ഹിയിലെ രാജ്യസഭാ തിരഞ്ഞെടുപ്പ് കൂടി പൂര്‍ത്തിയായ ശേഷമാണ് ഈ നടപടിയിലേക്ക് തിരഞ്ഞെടുപ്പ് കമ്മീഷന്‍ കടന്നത്. 70 അംഗ സഭയില്‍ 66 പേരുടെ  ഭൂരിപക്ഷമുള്ളതിനാല്‍ 20 അംഗങ്ങള്‍ അയോഗ്യരായാലും 46 പേരുടെ ഭൂരിപക്ഷം സര്‍ക്കാരിന് ഉണ്ടാകും.