ഫിഫ റാങ്കിംഗ്; നില മെച്ചപ്പെടുത്തി ഇന്ത്യ

ഫിഫ റാങ്കിംഗില്‍ ഇന്ത്യന്‍ ഫുട്‌ബോള്‍ ടീമിന് പോയിന്റ് പട്ടികയില്‍ നേരിയ കുതിപ്പ്. മൂന്ന് സ്ഥാനങ്ങള്‍ മെച്ചപ്പെടുത്തി ഇന്ത്യ 102-ാം സ്ഥാനത്തെത്തി. ഇന്ത്യന്‍ ടീമിന് ആകെ ഇപ്പോള്‍ 333 പോയിന്റ് ഉണ്ട്. കഴിഞ്ഞ ഒന്‍പത് കളികളില്‍ ഏഴെണ്ണത്തിലും ഇന്ത്യ വിജയിച്ചിരുന്നു. കഴിഞ്ഞ കളികളിലെ മികച്ച പ്രകടനമാണ് ഇന്ത്യയെ പോയിന്റ് പട്ടികയില്‍ മുന്നേറാന്‍ സഹായിച്ചത്. ഏഷ്യന്‍ രാജ്യങ്ങളില്‍ 14-ാം സ്ഥാനത്താണ് ഇന്ത്യ ഇപ്പോള്‍. ഫിഫ റാങ്കിംഗില്‍ ജര്‍മ്മനിയാണ് ഒന്നാം സ്ഥാനത്ത്. ബ്രസീല്‍ രണ്ടാം സ്ഥാനത്തും പോര്‍ച്ചുഗല്‍ മൂന്നാം സ്ഥാനത്തും തുടരുന്നു.